[Places in Ahmednagat District] नगर जिल्हा धार्मिक व निसर्ग पर्यटना

पुरोगामी विचारांचा नगर जिल्हा धार्मिक व निसर्ग पर्यटनात अग्रेसर आहे. शिर्डीच्या साई समाधी मंदिरात देशविदेशातून भाविक दर्शनाला येतात. यानिमित्ताने शनि शिंगणापूरलाही शनिदेवाचे दर्शन आवर्जून घेतले जाते. तसेच नगरजवळ अवतार मेहेरबाबा समाधी मंदिरातही विदेशातून भाविक येतात. जिल्ह्यातील प्रत्येक तालुक्यात वेगळी ओळख निर्माण करणारी धार्मिक व निसर्ग पर्यटनस्थळे-तीर्थस्थळे आहेत. पारनेर तालुक्यातील राळेगणसिद्धी हे ज्येष्ठ समाजसेवक अण्णा हजारे यांचे गाव, तसेच नगर तालुक्यातील हिवरे बाजार हे आदर्श गाव योजना समितीचे कार्याध्यक्ष पोपट पवार यांचे गाव देशाच्या नकाशावर अग्रगण्य स्थळे ठरली आहेत. 

नगर शहरातील प्रमुख स्थळे 

नगर शहरात अनेक ऐतिहासिक, धार्मिक व सामाजिक स्थळे आहेत. यामध्ये भुईकोट किल्ला, माळीवाड्यातील विशाल गणपती मंदिर, भुईकोट किल्ल्यातील नेता कक्ष, औरंगजेबाचे मृत्युस्थळ - आलमगीर, अरणगाव - मेहेराबादचे अवतार मेहेरबाबा समाधी मंदिर, आचार्यश्री आनंदऋषीजी महाराजांचे समाधीस्थळ, बुऱ्हाणनगरची तुळजाभवानी, केडगावची रेणुका माता, ह्युम मेमोरियल चर्च, ऐतिहासिक वस्तू संग्रहालय, रणगाडा संग्रहालय, वेदान्तनगर दत्त देवस्थान, शाहशरीफ दर्गा, चांदबिबी महाल, बेहस्तबाग महल, चौथे शिवाजी महाराज समाधी, दमडी मशीद, फराहबक्ष महाल. 

जिल्ह्यातील प्रमुख स्थळे 

श्रीरामपूर[Shreerampur] : बेलापूर-बन-उक्कलगाव येथील केशव-गोविंद मंदिर, गोंधवणीचे महादेव मंदिर, नाऊर येथील स्वामी सहजानंद देवस्थान, श्रीरामपूरचे श्रीराम मंदिर, डोमेग्रामचे शिख मंदिर व कमालपूरचे चक्रधर स्वामी मंदिर, हरेगावचे मतमाऊली मंदिर. 

नेवासे [Nevase] : श्रीसंत ज्ञानेश्वर मंदिर व पैस खांब, मोहनीराज मंदिर, शनि शिंगणापूरचे शनि देवस्थान, देवगडचे दत्त देवस्थान, बेल्हेश्वरवाडीचे रेणुका मंदिर व काच मंदिर, चांदा येथील जगदंबा मंदिर, हंडी निमगावचे त्रिवेणीश्वर महादेव मंदिर, दीनमित्रकार मुकुंदराव पाटील यांचे तरवडी येथील स्मारक. 

अकोले[Akole] : भंडारदरा धरण, रंधा धबधबा व अंब्रेला फॉल, हरिश्चंद्र गड, रतनगड, रतनवाडीचे अमृतेश्वर मंदिर, कळसूबाईचे शिखर, अगस्ती आश्रम, घाटघर, अलंगगड, मदनगड, पट्टा किल्ला, अकोल्यातील सिद्धेश्वर मंदिर, लिंगेश्वर मंदिर. 

कर्जत[Karjat] : सिद्धटेकचे अष्टविनायकातील गणपती मंदिर, राशीनचे जगदंबा मंदिर, गोदड महाराज मंदिर, रेहेकुरी काळवीट अभयारण्य, दुर्गावचे दुर्योधन मंदिर, काशीविश्वेश्वर मंदिर. 

पारनेर[Parner] : पूर्णवाद भवन, सेनापती बापट स्मारक, निघोजचे रांजणखळगे, निघोजची मळगंगा देवी, सिद्धेश्वर मंदिर, मांडओहोळ प्रकल्प, जातेगावचे व कोरठणचे खंडोबा मंदिर, गाजदीपूरचे केवड्याचे बन, जामगाव-कान्हूरपठारचे जुने वाडे, पळशीचे विठ्ठल मंदिर, गणेशखिंड येथील भालचंद्र गणेश मंदिर. 

शेवगाव[Shegaon] : कांबीचे महालक्ष्मी मंदिर, आव्हाणे येथील निद्रीस्त गणपती, बोधेगावची भानुम्मा, जायकवाडी बॅकवॉटरचे पक्षी अभयारण्य, लखमापुरीचा रणखांब, घोटणचे मल्लिकार्जुन मंदिर, अमरापूरचे दत्त देवस्थान, निंबाचार्य व विठोबा खेचर यांचे मुंगी. 

जामखेड[Jamkhed] : खर्ड्याचा किल्ला, १२ ज्योतिर्लिंग प्रतिकृती, चौंडी येथील पुण्यश्लोक अहिल्यादेवी होळकरांचे जन्मस्थळ, सौताडा-रामेश्वरचा धबधबा, हाळगावचा सिद्धेश्वर, अरणगावचा अरण्येश्वर, रॅमन मॅगसेसे पुरस्कार विजेते डॉ. रजनीकांत आरोळे यांचा ग्रामीण आरोग्य प्रकल्प. 

पाथर्डी [Parthardi] : मढी येथील गोरक्षनाथ मंदिर, मोहटा येथील रेणुकादेवी मंदिर, माणिकदौंडी येथील बलखंडीबाबा देवस्थान, मिरी येथील शंकरमठ व आचार्यश्री आनंदऋषीजी महाराजांची दीक्षाभूमी तसेच शिराळ चिचोंडी येथील जन्मभूमी, संत तनपुरे महाराजांचे जन्मस्थळ दगडवाडी, भगवान गड, वृद्धेश्वर, दिनकरस्वामी मठ, खोलेश्वर. 

राहुरी [Rahuri]: कणगर येथील गहिनीनाथांचे जन्मस्थळ, वांबोरीचा जयरामस्वामींचा मठ तसेच अहिल्यादेवींनी बांधलेली बारव, महात्मा फुले कृषी विद्यापीठ, मुळा धरण, देवळाली प्रवरा येथील त्रिंबकराज स्वामी मंदिर, ब्राह्मणीचा सतीचा स्तंभ, मांजरीचे चंद्रगिरी महाराज मंदिर. 

श्रीगोंदे [Shrigonda]: गावातील हेमाडपंथी मंदिरे, कोळगावचा सय्यदबाबा दर्गा, विसापूरचा तलाव, शेख महंमद महाराजांची समाधी, शिंदेकालिन वाडे, ढोरजे येथील काशीविश्वेश्वर मंदिर, मांडवगणचे सिद्धेश्वर मंदिर व मांडव्यऋषींची समाधी, कोसेगव्हाणचा महादेवदरा, दैवदैठणचे निंबराज समाधी मंदिर. 

कोपरगाव[Kopargaon] : संत जनार्दन मौनगिरी महाराज समाधी, पोहेगावचा मयुरेश्वर, विश्वात्मक जंगली महाराज आश्रम, संवत्सर येथील नारदीच्या समाधी, कचेश्वर, शुक्लेश्वर मंदिर, राघोबादादा वाडा व समाधी, साई तपोभूमी, धामोरीचा विशाल गोरखवृक्ष, माहेगाव देशमुख येथील दत्त देवस्थान, उक्कडगावची रेणुकामाता, कोकमठाणचे विष्णू मंदिर. 

राहाता[rahata] : शिर्डीचे साई समाधी मंदिर, वेट अँड जॉय स्थळ, पुणतांबे येथील चांगदेव महाराज मंदिर, साकुरी येथील उपासनी महाराज आश्रम, कोल्हारची भगवतीमाता, प्रवरानगरचा पहिला सहकारी साखर कारखाना. 

संगमनेर[sagamner] : पेमगिरीचा किल्ला व विशाल वटवृक्ष, साकूरचे वीरभद्र देवस्थान, हिवरगाव पावसा येथील देवगड खंडोबा, समनापूरचा गणपती, निझर्णेश्वर, मुक्तांगण, घारगावची कमळाई देवी, खांडगावचे खांडेश्वर मंदिर. 

नगर तालुका : मिरावली पहाड, आगडगावचे भैरवनाथ मंदिर, भातोडीचा तलाव, नारायणडोह येथील चांगदेव देवस्थान, घोसपुरीची पद्मावती देवी, मांजरसुंबा, डोंगरगणचे मंदिर, राजधानीचा खंडोबा, पिंपळगाव माळवी तलाव.
 
Places Near Mumbai Copyright © 2010 Blogger Template Sponsored by Trip and Travel Guide